تسمحيلي

تسمحيلي

تسمحيلي إني أقولك
كلمة من اربع حروف

تسمحيلي إني اجيلك عالحصان
واقتحم كل الصفوف

واخطفك زي الأميرة
وانتي تبتسمي بكسوف

...
وابتسامتك الجميلة
نغمة تضرب عالدفوف

والحصان يبقى حمامة
والحمامة بينا تعلى
نستريح فوق سحابة
والقمر حواليه نطوف

ننسى كل حاجة وحشة
والجمال وحده نشوف

تسمحيلي
تسمحيلي إني أقولك
كلمة من اربع حروف

تسمحيلي
تبقي ماما
وتبقي بابا
تسمحيلي أكون صوابعك
تعزفي بيها الربابة

تسمحيلي أبقى عنيكي
تسمحيلي أبقى في عنيكي

وإنتي تبقي في جوه قلبي
وقلبي خاتم
تسمحي يبقى ف اديكي

تسمحيلي امسك اديكي
وامسح الماضي برخامته
وأبتدي صفحة جديدة
تبقى منك
تبقى ليكي

تسمحيلي أبقى دمعة
لجل اغسلك عنيكي

تسمحي استحوذ عليكي ؟؟؟؟

تسمحيلي إني اغير
م الصغير والكبير

تسمحيلي إني ابقي
زي بابا وزي ماما
واخاف عليكي كتير كتير

تسمحي تبقي الأميرة
تسمحي أبقى الامير

تسمحيلي اطلب اديكي
بعد مااخلص قوام

تسمحيلي أحط اسمك
جنب اسمي
واسبقه بكلمة مدام

تسمحيلي أصلي بيكي
وأبقى ليكي أنا الإمام

تسمحلي إني أقولك
كلمة من اربع حروف

تسمحيلي إني أقولك
إني بحبك والسلام

من إعداد الشاعر : أمين الخردي