التلفزة الراديو
واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو
____________________________________________________________________
الخياط
واحد السيدة حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة
_________________________________________________________________
البي ام
واحد المكلخ سول صاحبو : بغيت نبيع الطوموبيل ديالي 205 بشي ثمن غالي، أش ندير؟؟
قال ليه صاحبو : مسح ديك 205 و كتب مرسيدس و لا بي ام
دازت مدة، سوله صاحبو : إيوا، بعتي الطوموبيل ؟؟
قال ليه المكلخ : واش تسطيتي؟ كاين شي واحد كيبيع البي ام ؟؟!!
_______________________________________________________________
الكداب
هادا واحد الكداب كيعاود لصاحبو : مشيت أنا و مراتي لافريقيا، وڭلسنا فواحد لوطيل حدا الغابة
فالصباح، ڭلت لمراتي لبسي نهبطو نتساراو، لبسات مراتي حوايجها ف خمسة الدقايق وهبطنا
شوية خرج ليا سبع وانا نضربو بكروشية مات، زدنا وانا نلقا خمسة د السبوعة آخرين
بديت نضرب، ها اللول، ها التاني، ها التالت، وهوما يجيو ڭاع الحيوانات
وانا نطلع فوق الشجرة و بديت كنشير عليهم حتى قتلتهم كاملين
ورجعنا للوطيل، وانا نلقى سبع آخر
...
هنا بدا صاحبوا كيموت بالضحك
سولو الكداب: مالك أصاحبي كضحك؟
ڭال ليه صاحبو: ماحشمتيش تكذب؟ مراتك لبسات ف خمسة الدقايق؟
_________________________________________________________________
عملية ناقص
هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟ التلميد : معرفتش الاستاد جبد ليه جوج كرواصات، وقال ليه : شحال هادو؟ التلميد :جوج كرواصات الاستاد :هاك كول هادي، زيدك هادي، شنو بقى دابا ؟ التلميد: شي بـرّاد ديال اتاي بعقلو
يسعدنا ان تقوم بتسجيل و نشر ابداعاتك ان افكارك هي اساس بناء حياتك .ان كنت مسجلا قم بتسجيل الدخول
!!تنبيه !!
موضوع: أحلى النكت 
الثلاثاء 6 ديسمبر 2011 - 18:04
